Yanditswe na Adam Yannick.
Kuri uyu wa Gatatu, tariki ya 27 Gicurasi 2026, kuri Kigali Pelé niho habereyeb isengesho kurwego rw’Igihugu ry’umunsi w’igitambo (Eid -Al-Adha) isengesho risoza iminsi 10 ku baba bari mu Mutambagiro Mutagatifu i Maka muri gihugu cya Arabie Saoudité.
Abayisilamu bo mu Rwanda ndetse nabo ku isi hose bizihije Umunsi Mukuru w’Igitambo uzwi nka Eid Al-Adha, bibuka uko Aburahamu yari agiye gutamba umwana we Ismail, Imana ikamuha intama yo gutambamo igitambo mu mwanya wo gutamba umwana.
Eid al-Adha ni umunsi wa kabiri ukomeye muri Islam. Wizihizwa mu kwezi kwa Dhul Hijjah, kukaba ari ukwezi kwa cumi na kabiri ndetse kukaba n’ukwa nyuma ku ngengabihe y’idini ya Islam. Ni umunsi wa 10 w’Umutambagiro Mutagatifu uzwi nka Hijja ubera muri Arabie Saoudite i Mecca. Eid Al-Adha imara iminsi itatu yizihizwa.
Mufti Sheikh Sindayigaya yagize ati: “Uyu munsi ubanzirizwa n’iminsi icyenda ukaba ari uwa 10, yombi ifite agaciro gakomeye kuko ni iminsi yo kwiyegereza Imana(Allah) hakorwa ibikorwa byiza. Ibi ni ibihe byiza kuko iyo ukoze ibikorwa byiza uratubukirwa mu ngororano.”Yakomeje avuga ko “Uyu munsi utwibutsa amateka akomeye n’ibigwi by’Intumwa y’Imana Aburahamu Imana imuhe amahoro n’imigisha.
Tumwigiraho byinshi birimo kwiyegurira Imana, kuyikunda no kuyubaha birenze ibisanzwe.”Bitewe n’uburemere bwo gutanga igitambo ku Bayisilamu, Mufti yasobanuye aho uyu mugenzo waturutse, aho Mufti yavuze ko uyu muhango wo gutamba ku Bayisilamu, babikomora ku Ntumwa y’Imana, Aburahamu ubwo yageragezwaga n’Imana ikamurotesha imusaba gutamba umwana we, Ismail, nyuma yo kubahiriza iryo tegeko, Imana ikamuha intama yo gutambamo igitambo mu mwanya w’umwana we.
Yasabye Abayisilamu gukomeza ibikorwa by’urukundo no kugira ubumwe n’ubwitange.Yakomeje avuga ko “Uyu munsi utwibutsa amateka akomeye n’ibigwi by’Intumwa y’Imana Aburahamu Imana imuhe amahoro n’imigisha.
Tumwigiraho byinshi birimo kwiyegurira Imana, kuyikunda no kuyubaha birenze ibisanzwe.”Ni itegeko ku bafite ubushobozi bose ko isengesho ry’uyu munsi rikurikirwa n’igikorwa cyo kubaga amatungo atangwamo ibitambo(Inka,Intama,Ihene n’Ingamiya aho ziba) agahabwa abatishoboye n’ibindi bikorwa bigamije gusangira n’abandi.
Umuyobozi Nshingwabikorwa mu Muryango w’Abayisilamu mu Rwanda Hadji Salim, yavuze ko uyu mwaka hazabagwa inka 1.894, ihene n’intama 1.183 mu turere twose tw’Igihugu.Umugenzo wo gutamba igitambo kuri uyu munsi w’Igitambo, ukorwa mu minsi itatu ikurikira Eid Al-Adh’ha. Bivuze ko bikorwa mu minsi ine kuri babandi baba batabashije guhita babikora ku munsi nyirizina.
Mu kiganiro n’itangazamakuru Mufti w’u Rwanda Sheikh Sindayigaya Moussa yashimiye Abayislamu uruhare bagize mu gikorwa cyo kubaka umusigi wo mu Itunda mu Karere ka Kicukiro mu Murenge wa Kanombe aho bita mu kuzura utwaye angana miliyoni 360 FrwAvuga ko bagaragaje ubwitange bukomeye.
Yabasabye ko bakomereza muri uwo mujyo buri mwaka bazajya hategurwa igikorwa kimwe , ndetse avuga ko mu ngengo nshya y’umwaka uzatangira tariki ya 1 Nyakanga bazatangaza ikindi gikorwa bazakora abasaba nacyo kuzakigiramo uruhare. Kuburyo kizajya gitahwa nabo babigizemi uruhare.Yashoje yifuriza Abayislamu umunsi mwiza ndetse n’abanyarwanda muri Rusange ndetse anashimira Nyakubahwa Perezida wa Repubukika y’u Rwanda.
