Advertise your products Here Better Faster

Ibihugu 16 ni byo bizitabira Rwandan Epic ku nshuro ya 4

Yanditswe na Ndabateze Jean Bosco.

Guhera  kuri uyu wa Kabiri tariki ya 31 Ukwakira kugeza ku ya 4 Ugushyingo 2023, mu Rwanda haratangira irushanwa ry’amagare ryo mu misozi ryiswe “Rwandan Epic 2023” rizaba rigizwe n’uduce dutanu. 

Rwandan Epic 2023 igiye kuba ku nshuro yayo ya kane, itegurwa na Rwanda Alternative Riding Events (RAR Events) .

Muri uyu mwaka, izaba igizwe n’uduce dutanu dutandukanye, tuzakinirwa i Kigali, mu Ntara y’Amajyaruguru no mu Burengerazuba.

Agace ka mbere kazakinirwa i Kigali kuri uyu wa Kabiri tariki ya 31 Ukwakira, ahazwi nko kuri Fazenda Sengha, kazaba kareshya n’ibilometero 15 ndetse buri mukinnyi azaba asiganwa n’ibihe ku giti cye.

Ku wa Gatatu, tariki ya 1 Ugushyingo, hateganyijwe ko hazakinwa agace ka kabiri, Rusiga – Musanze, gafite intera y’ibilometero 85, bukeye bwaho tariki 2 ugushyingo 2023 hakinwe agace ka gatatu bavuye Kinigi-Burera-Kinigi ku ntera y’ibilometero 73.

Agace ka kane kazakinwa tariki 3 Ugushyingo 2023 mu Kinigi ahitegeye Ibirunga, kazaba kareshya n’ibilometero 32.

Rwandan Epic 2023 izasozwa ku wa Gatandatu, tariki ya 4 Ugushyingo, hakinwa agace ka gatanu kazaba kareshya n’ibilometero 62, aho abazakitabira bazahagurukira i Nyabihu berekeza mu Karere Rubavu.

Ibihugu bizitabira birimo U Bubiligi  Repubulika ya Tchèque, u Budage, Espagne, u Bufaransa, u Bwongereza, u Butaliyani, Kenya, Nigeria, u Buholandi, Suède, Slovenia, Sierra Leone, Leta Zunze Ubumwe z’Amerika, Zambia u Rwanda . 

Irushanywa riheruka  Rwandan Epic ryakinwe   mu Ugushyingo 2022, yegukanywe n’Ababiligi Flans Claes na Jens Schuermans mu gihe Habimana Jean Eric na Tumalo Makai basoreje ku mwanya wa gatatu uyu mwaka ryitabiriwe n’Ibihugu 16 bigizwe n’abakinnyi 123 .

Pressbox Author

Pressbox Author

Leave a Replay

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.