Yanditswe na Adam Yannick
Shampiyona y’u Rwanda ariyo Rwanda Premier League yarigeze ku munsi wayo wa mu munani mu mpera z’icyumweru gishyize cya tariki ya 1 kugeza tariki 3 Ugushyingo 2024.
Umunyamakuru wa www.pressbox.rw yagerageje gukusanya bimwe mu byaranze umunsi wa Munani was Rwanda Premier League . Ku munsi wa Munani,hari hateganyijwe umukino w’amateka w’umunsi wagombaga guhuza amakipe y’amakeba kuva kera ariyo Rayon Sports FC na Kiyovu Sports Club.
Ni umukino wari witabiriwe na Minisitiri w’ububanyi n’Amahanga Honorable Ambassadeur Nduhungirehe Olivier
Mbere yuyu mukino Kiyovu Sports Club yarimaze imyaka ine itaratsindwa na Rayon Sports FC. Gusa uyu mukino warangiye Rayon Sports FC yigaranzuye Kiyovu Sports Club kuko umukino warangiye Rayon Sports FC itsinze ibitego 4-0.
Mbere yuyu mukino hari habanje undi mukino wahuje Police FC na Rutsiro FC,uyu mukino Police FC yawitwayemo neza kuko yaje kuva inyuma itsinda Rutsiro FC ibitego 3-2 mu gihe Rutsiro FC yari yatsinze Police FC 2-0. Gusa icyatangaje abantu naho umukinnyi wa Police FC nyuma yo gutsinda igitego cya gatatu kubera ibyishimo yakuyemo ikabura, bimuviramo kubona ikarita y’umutuku.
Undi mukino ni umukino wari wafunguye umunsi wa Munani wari wahuje Gasogi United FC yari yakiriye Étincelles FC kuri Kigali Pele Stadium. Uyu mukino waje kurangira Étincelles FC Itsinze Gasogi United FC igitego 1-0.
Nyuma yuyu mukino hari amakuru avuga umuyobozi wa Gasogi United FC yamaze guhagarika umutoza mukuru wayo. Akaba ar’amakuru tugiye gukurikirana ngo tumenye niba aribyo Koko.
Umukino washoje umunsi wa Munani wabaye tariki 3 Ugushyingo 2024,uhuza Gorilla FC yari yakiriye APR FC.
Uyu mukino waje kurangira amakipe yimbi anganyije 0-0.. Gusa muri uyu mukino warimo urebwa na Générale Mubaraka APR FC yaje gukora ikosa ryo gushyira abakinnyi 7 mu Kibuga kandi hemewe abakinnyi batandatu (6) gusa.
Gusa k’umakuru twakuye kuri umwe mu bakozi ba Ferwafa ukora muri komisiyo y’amarushanwa n’uko nta tegeko rihari rivuga ku gihe ikipe yaba yakinishije abakinnyi barenze umubare uteganyijwe mu gihe bamwe bavugaga ko ishobora guterwa mpaga.
Kugeza ubu Ferwafa ntacyo iratangaza, kubijyanye nicyo kibazo,kuko amakuru ahari n’uko Gorilla FC yanditse itanga ikirego.
K’umunsi wa Munani hatsinzwe ibitego 16 bivuze ko ushyize muri rusange buri mukino hatsinzwe ibitego 2. Umukino watsinzwemo ibitego byinshi n’uwahuje Police FC na Rutsiro FC kuko hatsinzwe ibitego 5. Mu gihe umukino utarabonetsemo igitego n’uwahuje Mukura VS$L na As Kigali FC na Gorilla FC na APR FC yarangiye 0-0.
Uko Urutonde ruhagaze by’agateganyo mbere yo gukina umunsi wa Cyenda.
Gahunda y’umunsi wa Cyenda wa Rwanda Premier League
