yanditswe na Adam Yannick
Tariki 27 Nzeri 2024 nibwo hatangiye imikino ya 1/2 ya kamarampaka ariyo playoffs 2024 mu Bagore nyuma yaho iy’abagabo irangiye igikombe cya Shampiyona kikegukanwa na APR BBC.
Nyuma y’uko Shampiyona irangiye mu bagabo hahise hakurikiraho imikino ya nyuma mu bagore aho amakipe ane ya mbere ariyo REG WBBC, APR WBBC, Kepler WBBC na Groupe Scolaire Marie Reine Rwaza WBBC akaba ariyo agomba guhatanira igikombe. Cya Shampiyona mu mikino ya kamarampaka Betpawa Playoffs 2024.
Umukino warutegerejwe n’abantu benshi ni umukino wari guhuza REG WBBC na KEPLER WBBC. Uyu mukino wagomba kuba nyuma y’umukino wa APR WBBC na G.S.M.Reine WBBC.
Umukino wa 1/2 wa mbere wa 1/2 mu mikino itanu bagomba gukina,ariko bagatanguranwa gutsinda imikino itatu mu mikino itanu. Ni umukino REG WBBC yatangiranye imbaraga nyinshi kurusha Kepler WBBC. Mu minota itanu y’agace ka mbere yarangiye REG WBBC itsinze amanota 14-7. Mu minota itanu ya nyuma y’agace ka mbere REG WBBC yatsinze amanota 17-0. Agace ka mbere karangiye REG WBBC itsinze amanota 31-7.
Mu gace ka kabiri k’umukino mu minota itanu ya mbere REG WBBC yakomeje kugenda imbere maze itsinda amanota 14-4. Mu minota itanu ya nyuma y’agace ka kabiri Kepler WBBC yagerageje kuzamura amanota kuko yatsinze amanota 9 mu gihe REG WBBC yatsinze amanota 13. Aka gace ka kabiri karangiye REG WBBC igatsinze 27-13.
Bagiye Kuruhuka REG WBBC iyoboye n’amanota 58-20.
Bavuye k’uruhuka REG WBBC yagarukanye imbaraga maze mu minota itanu ya mbere y’agace ka gatatu itsinda amanota 17-5. Mu minota itanu ya nyuma Kepler WBBC yihagazeho ifunga REG WBBC maze irangira REG WBBC itsinze amanota 7-6. Muri aka gace ka gatatu niho REG WBBC yatsinze amanota macye. Aka gace ka gatatu karangiye REG WBBC igatsinze amanota 24-11.
mu gace ka Kane ari nako kanyuma REG WBBC yakoresheje imbaraga nyinshi kuko wabonaga ko ishaka gutsinda amanota ijana. Mu minota itanu ya mbere yatsinze amanota 11-3. Mu gihe mu minota itanu ya nyuma REG WBBC yatsinze amanota 13-11. Umukino warangiye REG WBBC itsinze Kepler WBBC amanota 107-45. Muri uyu mukino wabonaga KEPLER WBBC iri hasi utamenya ikibazo yarifite ukurikije uko bitwaye muri shampiyona kuko n’umwaka wayo was mbere muri shampiyona y’icyiciro cya mbere muri Basketba bikaba aribyo kwishimira ko amakipe yabo yose yaje mu makipe ane ya mbere mu mwaka wayo wa mbere. Umukino wa Kabiri uteganyijwe kuzaba Tariki 29 Nzeri 2024 muri Petit Stade.
Undi mukino wa 1/2 wahuje APR WBBC na G.S.M.Reine Rwaza WBBC.
Mbere y’umukino wa REG WBBC na KEPLER WBBC hari habanje umukino wa APR WBBC na G S.M Reine Rwaza WBBC. Uyu mukino mbere y’uko utangira APR WBBC niyo yahabwaga amahirwe yo gutsinda uyu mukino.
Mu minota itanu ya mbere APR WBBC yatsinze amanota 16-6 mu gihe mu minota itanu ya nyuma yatsinzwe amanota 11-12. Agace ka mbere karangiye APR WBBC itsinze Amanota 27-18. Mu gace ka Kabiri mu minota itanu ya mbere APR WBBC yatsinze amanota 8-5. Mu minota itanu ya nyuma y’agace ka kabiri APR WBBC yatsinze amanota 14-3. Aka gace ka kabiri karangiye APR WBBC itsinze amanota 22-8
Bagiye kuruhuka APR WBBC iyoboye n’amanota 49-26.
Bavuye Kuruhuka APR WBBC yagarukanye imbaraga maze mu minota itanu ya mbere itsinda amanota 11-11 . Mu minota itanu ya nyuma y’agace ka gatatu APR WBBC yatsinze amanota 15-10 aka grâce karangiye APR WBBC itsinze amanota 26-21. Muri aka gace nibwo G.S.M.Reine WBBC wabonaga ifite imbaraga kuko yashoboye gutsinda amanota 21.
Mu gace ka Kane ari nako kanyuma. Mu minota itanu ya mbere APR WBBC yatsinze amanota 11-6 naho mu minota itanu ya nyuma APR WBBC yatsinzwe amanota 10-12. Aka gace ka Kane ari nako kanyuma karangiye APR WBBC itsinze amanota 21-18. Umukino warangiye APR WBBC itsinze G S.M.Reine Rwaza WBBC Amanota 96-65. Umukino wa Kabiri uteganyijwe tariki 29 Nzeri 2024.
