Tariki 11 Nzeri 2024 nibwo hatangiye imikino ya nyuma ya kamarampaka BetPawa hagati ya Patriots BBC na APR BBC.
Patriots BBC yageze Ku mukino wa nyuma yo gutsinda Kepler BBC imikino itatu ku busa(3-0) muri 1/2 naho APR BBC yo yabigezeho nyuma yo gutsinda REG BBC imikino itatu ku busa (3-0) .Muri Shampiyona Patriots BBC yatsinze APR BBC imikino ibiri yose yazihuje ariko APR BBC nayo yatsinze Patriots BBC muri Rwanda Cup ku mukino wa nyuma.
Muri uyu mwaka mu mikino itatu yahuje Patriots BBC na APR BBC mbere y’uko bakina umukino wa nyuma Patriots BBC niyo yatsinze imikino myinshi Mbere y’uko umukino utangira Patriots BBC niyo yahabwaga amahirwe yo gutsinda uyu mukino bitewe n’uko yari yitwaye mu mikino waherukaga kuzihuza ukarangira Patriots BBC iwutsinze.
Uyu mukino wabereye muri BK Arena, watangiye ku isaha ya saa moya (19H00). Watangiye Patriots BBC ifite imbaraga nyinshi kurusha APR BBC,byatumye yegukana agace ka mbere k’umukino harimo ikinyuranyo cy’amanota atandatu(6).
Agace ka mbere karangiye Patriots BBC iyoboye n’ amanota 21 kuri 15 ya APR BBC. Mu gace ka Kabiri nabwo Patriots BBC yakomeje gushyiramo imbaraga kuruta mu gace ka mbere, kuko muri kano gace Patriots BBC yongeye gushyiramo ikinyuranyo cy’amanota18. Aka gace karangiye Patriots BBC iyoboye umukino n’amanota 31 kuri 13.
Bagiye kuruhuka Patriots BBC iyoboye n’amanota 52 kuri 28 ya APR BBC.Bavuye kuruhuka,nyuma yo kumva inama z’abatoza ku mpande zombi.
APR BBC yagarukanye imbaraga, kugira ngo ikuremo ikinyuranyo cy’amanota 24 Patriots BBC yari yashyizemo. Bitewe n’uko yari menshi byagoranye ko yayakuramo. Aka gace ka gatatu karangiye APR BBC igatsinze k’umanota 22-16 harimo ikinyuranyo cy’amanota atandatu(6).
Mu gace ka Kane ari nako ka nyuma , APR BBC yakomeje gushyiramo imbaraga nyinshi kurusha Patriots BBC ,ariko bitewe n’uko Patriots BBC yari yatsinze amanota menshi mu duce tubiri tubanza ntiyashoboye gukuramo icyo kinyuranyo Aka gace kanyuma Karangiye nako APR BBC igatsinze amanota 21-15. Gusa n’ubwo APR BBC yitwaye neza,mu duce tubiri twanyuma ntabwo yashoboye gukuramo Ikinyuranyo cy’amanota 24. Kuko umukino warangiye harimo ikinyuranyo cy’amanota 12.
Umukino warangiye Patriots BBC itsinze APR BBC amanota 83-71.
Umukinnyi watsinze amanota menshi ni uwa Patriots BBC watsinze amanota 26.
Umukino wa Kabiri uzaba tariki 13 Nzeri 2024 muri BK Arena
.
