Yanditswe na Ndabateze Jean Bosco.
Ikipe ya Mamelodi Sundowns yo mu gihugu cya Afurika y’Epfo yatsinze AC. Wydad yo muri Maroc ibitego 2-0, mu mikino ibiri biba ibitego 3-2, yegukana irushanwa rishya nyafurika rya African Football League.
Umukinnyi mwiza na rutahizamu w’irushanwa yabaye Thapelo Maseko wa Mamelodi Sundowns, mu gihe umuzamu mwiza yabaye Ronwin Williams na we ukinira Mamelodi Sundowns. Kunshuro ya mbere African Football League yitabiriwe n’amakipe umunani yitwaye neza mu marushanwa ya CAF mu myaka icumi ishize ari yo Mamelodi Sundowns ( Afurika y’Efo), Wydad AC ( Morocco), Esperance de Tunis (Tunisia), AL Ahly (Egypt) , Petro de Luanda ( Angola), Enyimba ( Nigeria) Simba Sports Club (Tanzania) na TP Mazembe ( DR Congo).Mamelodi Sundowns yegukanye iri rushanwa ku nshuro ya mbere yahawe imidali, igikombe na cheque ya miliyoni 4 z’amadolari y’Amerika.
