Inkuru ya NDAYISABA Jean de Dieu
Leta zunze ubumwe za Amerika zatangaje ko zihagaritse abinjira muri iki gihugu baturutse muri Brazil hagamijwe kurwanya ubwiyongere bw’ubwandu bwa covi19.
Umuvugizi w’ibiro bya perezida wa leta zunze ubumwe za Amerika (white house) McEnany yavuze ko icyi cyemezo kitareba abenegihugu ba Amerika ahubwo ni ku banyamahanga bari bari muri Brasil mu minsi 14 ishize.
Bwana Kayleigh yavuze ko iki cyemezo kigamije kwirinda ubwiyongere bw’ubwandu bushya bwa corona cyitazahungabanya umubano w’ibihugu byombi.
Icyemezo cyo gukumira abava muri Brazil kije gisanga icyari cyarafashwe mbere cyakumiraga abava mu Bushinwa, Iran, Ibihugu biri muri shengeni(Schengen) Ubwongereza ndetse na Repubulika ya Irirande kugeza ubu cyitaravanwa ho.
Leta zunze ubumwe za Amerika kugeza ubu nicyo gihugu cyagaragawe mo abanduye covid-19 benshi kuko kugeza ubu abagera kuri miliyoni 1.6 ari bo bazwi naho abamaze guhitanwa nacyo ni ibihumbi 100.
Brazil ni cyo gihugu cyo muri Amerika y’Epfo cyashegeshwe n’iki cyorezo kurusha ibindi kuko abantu ibihumbi 360 bamaze kwandura naho abishwe na covid-19 ni ibihumbi 22.
