Yanditswe na Ndabateze Jean Bosco.

Ubuyobozi bw’ikipe ya REG Basketball Club, bwerekanye  ko iyi kipe yamaze kugura abakinnyi bashya barimo uwavuye muri IPRC-Huye Basketball Club n’uwavuye muri APR Basketball Club.

Nyuma yogusoza umwaka  w’imikino wa 2022-2023 muri Basketball, Ikipe ya REG BBC ikomeje kwiyubaka ihereye  kumutoza  Mushumba Charles wasinye amasezerano y’imyaka itatu.

Ubuyobozi bw’iyi kipe ya Sosiyete Ishinzwe Ingufu n’Amashanyarazi (REG) burangajwe imbere na Ntwali Joseph, bwemeje ko Nkusi Arnaud wakiniraga APR BBC na Bugingo Kabare wakiniraga IPRC-Huye, ari abakinnyi bashya b’iyi kipe mu myaka ibiri iri imbere.

Uretse REG BBC, izindi kipe zirimo APR BBC zikomeje kwitegura neza umwaka mushya w’imikino wa 2023-2024.