Yanditswe na Adam Yannick
Tariki 11 Ukwakira 2024 muri Petit Stade i Remera. Nibwo habaye umukino wa Kane wa nyuma wa kamarampaka Betpawa Playoffs 2024 hagati ya APR WBBC na REG WBBC mu mikino irindwi baba bagomba gukina, ariko utanze undi gutsinda imikino ine agahita yegukana shampiyona .
Uyu mwaka ni uwa kabiri iyi mikino ya Kamarampaka ariyo Betpawa Playoffs 2024 iterwa inkunga na Betpawa Rwanda.
APR WBBC yaje gukina uyu mukino isabwa gutsinda kuko REG WBBC yari yatsinze imikino 3 ibanza. Kuko mu gihe yari gutsinda bari kuzakina umukino wa gatanu .
REG WBBC niyo yatangiye umukino iri hejuru binyuze ku bakinnyi bayo barimo Morgan Kristina , APR WBBC mu minota itanu ya nyuma y’agace ka mbere yitwayemo neza mukino ntiyemerera REG WBBC kuyisiga aho yabifashwagamo n’abakinnyi bayo nka Sifa Ineza Joyeuse wari wagize umukino mwiza.
Agace ka mbere karangiye ikipe ya APR WBBC ariyo iyoboye n’amanota 18 kuri 15 ya REG WBBC.
Mu gace ka kabiri amakipe yombi yakomeje guhangana aho wabonaga nta kipe n’imwe ishaka gusiga indi. Mu minota itanu ya mbere y’agace k1 kabiri REG yatsinze amanota 9-4 nkuko byari byagenze mu minota itanu ya nyuma isoza agace ka mbere aho APR yari yatsinze amanota 9-4. Mu minota itanu ya nyuma y’agace ka kabiri APR yatsinze amanota 11-6. Aka gace ka kabiri karangiye amakipe yombi anganyije amanota 15-15 .
Bagiye kuruhuka APR WBBC iyoboye umukino n’amanota 33-30
Bavuye k’uruhuka
Mu gace ka gatatu REG yaje ishaka uko yakuramo ikinyuranyo cy’amanota atatu yari yatsinze mu duce tubiri tubanza. Mu minota itanu ya mbere y’agace ka gatatu REG ntiyashoboye kuyakuramo hari harakirimo ikinyuranyo cy’amanota abiri n’ubwo REG yatsinze amanota 9-8. Mu minota itanu ya nyuma y’agace ka gatatu REG yakomeje kuyobora umukino maze karangira itsinze amanota 10-5. Maze ikuramo ikinyuranyo cy’amanota atatu ahubwo aba ariyo ishyiramo ikinyuranyo cy’amanota atatu kuko karangiye REG itsinze amanota 19-13.
Mu gace ka Kane ari nako ka nyuma REG yakomeje gushyiramo imbaraga kuko yabknaga ko bishoboka cyane gutsinda umukino nyuma yo gukuramo ikinyuranyo cy’amanota atatu ahubwo nayo igahita ishyiramo icyo kinyuranyo. Mu minota itanu ya mbere y’agace ka Kane amakipe yombi anganyije amanota 9-9 ikinyuranyo cy’amanota atatu kiguma. Mu minota itanu ya nyuma y’agace ka Kane REG yakomeje gushyiramo imbaraga maze irangira REG itsinze amanota 13-8. Aka gave ka kane karangiye REG itsinze amanota 22-17.
REG mu minota itanu ya nyuma yabifashijwemo na Micomyiza Rosine na King Kristina batsinze amanota 3.
Umukino warangiye muri rusange REG WBBC itsinze amanota 71-63 ihita yegukana igikombe cya shampiyona 2024 iterwa inkunga na Betpawa Rwanda ariyo Betpawa Playoffs 2024 ku nshuro yayo ya kabiri.
REG na APR zikaba arizo zihagararira u Rwanda mu mikino y’akarere ka Gatanu (Zone V) izabera muri Tanzania kuva tariki 27 Ukwakira 2024.
Ku nshuro ya mbere APR WBBC niyo yari yegukanye shampiyona Betpawa Playoffs 2023.
Iki ni Gikombe cya 3 REG WBBC itwaye kuva yashingwa muri 2021 ikaba yagiherukaga muri 2022.
