Yanditswe na Adam Yannick
Ninde wigiza nkana hagati ya Rwanda Premier na Gorilla Game mu gihe buri ruhande ruvuga ibyarwo ? Gorilla Game ivuga ko yasheshe amasezerano mu gihe Rwanda Premier League ivuga ko amasezerano agihari?
Tariki 27 Nzeri 2024 nibwo byamenyekanye ko Gorilla Game yamaze gusesa amasezerano yari yagiranye na Rwanda Premier League y’imyaka itatu yo guhemba abakinnyi bitwaye neza n’umutoza buri kwezi ndetse no guhemba abitwaye neza Shampiyona irangiye.
Mu Kuboza 2023 nibwo Inama y’ubutegetsi ya Rwanda Premier League na Sosiyete y’Imikino y’Amahirwe ( Gorilla Game) bashyizeho umukono k’umasezerano yo kujya ihemba abakinnyi bitwaye neza n’umutoza buri kwezi muri shampiyona ndetse n’igihe shampiyona irangiye. Umwaka ushyize Muhire Kévin niwe wahembwe nk’ulukinnyi w’umwka ibintu byatangaje abantu kubera ko nta na rimwe yigeze ahembA igihembo cy’ulwezi.
Amakuru pressbox.com ifitiye gihamya n’uko Gorilla Game yamaze kwandikira Rwanda Premier League ibarwa yo gusesa amasezerano yari yagiranye na Rwanda Premier League bitewe n’uko itubahirije ibyari mu masezerano ariko ikavuga ko mu gihe wenda bakongera kuganira igakosora amakosa babandikiye bashobora kongera gukorana.
Ibi bibaye nyuma y’uko kuva shampiyona y’u Rwanda Rwanda Premier League 2024-25 yatangira, ntabwo habayeho igikorwa cyo guhemba abakinnyi bitwaye neza mu kwezi kwa 8 bitewe n’uko Gorilla Games yamaze gusesa amasezerano yarifitanye na Rwanda Premier League.
Gorilla Game yavuze ko yamaze kwandikira 4wanda Premier League ibarwa ikubiyemo ibyo batubhirije byatumye isesa alasezeranon’ubwo Rwanda Premier League yo itabyemera ko basheshe amasezerano,yo ivuga ko yakoze ibyo yasabwaga ko amasezerano agihari ahubwo yasabye Gorilla Games Guhemba nk’uko biri mu masezerano.
Kubasesengura imwe mu mpamvu zatumye ayalasezeano ashes Gorilla Game yababajwe n’uburyo umunsi w’ibihembo byo guhemba abakinnyi bitwaye neza mu mwaka w’imikino wa 2023-24 byahinduwe ku munota wa nyuma batabimenyeshejwe. Ibihembo byagombaga kuba ku wa Gatandatu tariki ya 15 Kamena 2024 bikabera muri Kigali Serena Hotel, gusa byaje gusubikwa kuko kuri iyi tariki ari bwo habaye umukino wo gusongongera Stade Amahoro yari imaze igihe ivugururwa, wahuje Rayon Sports FC na APR FC.
Uyu mukino wanjye gutuma byimurirwa tariki ya 9 Kanama 2024 muri RBA aho kubera muri Kigali Serena Hotel nk’uko byari biteganyijwe kandi bari baramaze gutanga avance kuko Kigali Serena Hotel ntabwo yigeze ibasubiza ayo mafaranga bari batanze yo kubitegura.
Gorilla Game yababajwe n’uko babisubitse batabamenyesheje bakabibwirwa ku munsi wari gutangirwaho ibihembo ko bitakibaye kubera uyu mukino.
Mu gihe cyo gutanga ibihembo bamwe mu bagombaga guhabwa ibihembo bagiye muri Kigali Serena Hotel nyuma nibwo bamenyeshejwe ko bibera mu RBA mu gihe Gorilla Game yo yashakaga ko bibera muri Kigali Serena Hotel kuko yari yamaze kuhafata ndetse no kwishyura.
Ubwo impande zombi zasinyaga amasezerano buri ruhande rwatanze umuntu uzajya uba uruhagarariye mu bikorwa bahuriyeho, Rwanda Premier League yari yatanze Jonathan aza gusezera, Rwanda Premier League ntiyabimenyesha Gorilla Game ko yasezeye ndetse bashyizeho umusimbura kandi mu masezerano bagiranye byari birimo ko mu gihe uruhande rumwe rwahindura uruhagararye rubimenyesha urundi, Rwanda Premier League ntabwo yigeze imenyesha Gorilla Game ko yasezeye ndetse banamusimbuje undi.
Umuyobozi w’Inama y’ubutegetsi wa Rwanda Premier League , Mudaheranwa Yussuf avuga ko amasezerano agikomeje kuko bazi neza ko bubahirije ibyo amasezerano yavuga mu gihe uhagariye Gorilla Game we avuga ko amasezerano bamaze kuyasesa,batakiri abafatanyabikorwa na Rwanda Premier League.
