Ese ni iki Rwanda Premier League na Ferwafa bari bukore kugira ngo iki kibazo cy’ubushobozi kiri mu makipe bushobore kubonera umuti urambye ?

Shampiyona y’u Rwanda ariyo Rwanda Premier League igeze ku munsi wa Kane wayo,aho amakipe amwe amaze gukina imikino yose ndetse hakaba nandi atarakina.

Gusa mu nkuru yacu pressbox.rw yakoze ni Ku kibazo cy’ubushobozi kimaze kugaragara ku makipe atatu. Imwe ni Muhazi United FC yari yanze gukora imyitozo,gusa byarangiye ihe itsindwa ibitego 3-1 ariyo Muhazi United FC.

Nyuma yayo hakurikiyeho Étincelles FC ntuma yo kunganya na Bugesera FC yanze gukora imyitozo kugeza ubwo twandikaga iyi nkuru. Kandi ifite umukino uzayihuza na APR FC tariki 29 Nzeri 2024 mu karete ka Rubavu.

Indi kipe nayo ifite ikibazo cy’amikiro ni Rayon Sports FC imaze iminsi ivugwamo ibibazo by’amikoro aho abakinnyi babagezemo amezi abiri ni mu gihe abakozi b’ikipe bo bivugwa ko ari amezi 5, umuvugizi wa Rayon Sports FC, Ngabo Roben yavuze ko atajya kubica ku ruhande ko nta bibazo by’amikoro bihari yagize ati: “ntabwo najya kubica ku ruhande, Rayon Sports FC ifite ibibazo by’amikoro rwose. Ubu igihari ni ubuyobozi burimo kureba uburyo ikipe ikomeza kubaho.”Yakomeje avuga ko abakinnyi bamaze kubwirwa ikibazo kiri mu ikipe kandi bemeye gukomeza akazi”,yakomeje agira ati “ubuyobozi burangajwe imbere na Roger, bwaganiriye n’abakinnyi bubabwira situwasiyo ihari, bemera gukomeza akazi ariko ubuyobozi nta bwicaye.”

Yavuze ko umwenda uhari ariko atavuga ngo ni aya n’aya ariko igihari ntahakana ni uko umwenda uhari, hari imishahara, hari amafaranga abakinnyi baguzwe batarishyurwa n’ibindi, gusa imibare yo ntabwo nyifite neza.”Yavuze ko ubu abakunzi ba Rayon Sports FC barimo Fan Clubs, Special Team, Imena barimo guteranya ngo bakomeze bafashe ikipe muri ibi bihe.Yasabye abakunzi ba Rayon Sports FC gukomeza kuyiba hafi muri ibi bihe bikomeye irimo kuko ari bwo abakeneye.