Tariki 13 Nzeri 2024 nibwo Ubuyobozi bwa Rayon Sports FC bwamenyesheje abanyamuryango bayo ndetse n’abakunzi ba Sports ko Perezida wayo, Uwayezu Jean Fidèle, yamenyesheje abanyamuryango bayo ko asezeye kubuyobozi bwo gukomeza kuyiyobora kubera ikibazo cy’uburwayi.
Ni itangazo ryashyizwe hanze n’ubuyobozi, biciye ku mbuga nkoranyambaga zayo.
Uwayezu wagiye avuga kenshi ko atazongera kwiyamamariza kuyobora Rayon Sports FC, yafashe umwanzuro ntakuka. Ibi bibaye nyuma y’uko umunyamabanga wayo Namenye Patrick nawe yamaze kwegura ku nshingano zo kuyobora aho yatanze iminsi 30 kugira ngo ave ku buyobozi.
Uwayezu w’imyaka 58, yatorewe kuyobora Rayon Sports FC mu kwakira 2020 nyuma y’uko Rayon Sports FC yari imaze iminsi yugarijwe n’ibibazo bishingiye ku miyoborere byanatumye hitabazwa inzego nkuru z’igihugu mu kubiha umurongo.
Perezida wa Rayon Sports FC yeguye mu gihe Manda ye yari isigaje ukwezi kumwe kuko yagiye k’ubuyobozi mu kwezi kwa cumi(Ukwakira ) 2020.
Rayon Sports FC na WFC k’ubuyobozi bwa Uwayezu Jean Fidèle, zegukanye ibikombe bine ari byo icy’Amahoro, Super Cup na RNIT Savings Cup mu bagabo ndetse n’Igikombe cya Shampiyona y’Icyiciro cya Kabiri mu Bagore. Ndetse n’icyiciro cya mbere ndetse n’ikipe y’abagore yasohokeye igihugu n’ubwo ititwaye neza.
Nyuma yo gusezera k’ubuyobozi hatangiye kwibazwa ngo ninde uzalusimbura kugira ngo akomereze aho yarageze.
