Tariki 13 Nzeri 2024 muri BK Arena nibwo habaga umukino wa kabiri wa nyuma wa kamarampaka Betpawa Playoffs. Ni umukino wahuje APR BBC na Patriots BBC, umukino ubanza Patriots BBC yari yatsinze APR BBC. Patriots BBC yasabwaga gutsinda uyu mukino kugira ngo ikomeze yizere kuzegukana igikombe, mu gihe indi yasabwa kuyigaranzura.
Ni umukino watangiye ku isaha ya saa mbiri z’ijoro(20H00), APR BBC yatangiranye imbaraga zikomeye kurusha Patriots BBC, APR BBC yatangiye umukino itsinda cyane,maze agace ka mbere karangira iyoboye n’amanota 30 kuri 18 ya Patriots BBC.
Mu gace ka kabiri, Axel Mpoyo na Shema Osborn batsindiye APR BBC amano menshi, ikomeza kugenda imbere ya Patriots BBC yazamuye ikinyuranyo kigera mu manota 20 (50-30). Mu minota ya nyuma y’agace ka kabiri, APR BBC yakajije umurego, igice cya mbere kirangira APR BBC iyoboye umukino n’amanota 57 kuri 35 ya Patriots BBC.
Bavuye k’uruhuka Patriots BBC yatangiye agace ka gatatu n’imbaraga nyinshi, isatira bikomeye ari nako itsinda igabanya ikinyuranyo kigera mu manota 12. Mu minota ya nyuma y’agace ka gatatu, APR BBC yongeye kugaruka mu mukino ibifashijwemo na Nshobozwabyosenumukiza na Aliou Diarra bayitsindira amanota.
Agace ka gatatu Karangiye Patriots BBC itsinze amanota 27 kuri 17, muri rusange APR BBC ikomeza kuyobora umukino n’amanota 74 kuri 62 ya Patriots BBC.
Mu gace ka Kane ari nako ka nyuma kihariwe na Patriots BBC ibifashijwemo n’amanota atatu yatsindwaga na William Perry. Aka gace Karangiye Patriots BBC igatsinze amanota 24-12. Umukino warangiye amakipe yombi anganya amanota 86-86.
Nk’uko amategeko y’umukino wa Basketball ubiteganya ko igihe iminota irangiye amakipe anganya hashyirwaho iminota itanu y’inyongera. Patriots BBC muri iyo minota, ntabwo yakoresheje imbaraga nk’izo yakoresheje mu duce tubiri twa nyuma, aho yakuyemo amanota 22 yarushwaga na APR BBC.
APR BBC ibifashijwemo na Ntore Habimana na Mpoyo bayitsindiye amanota menshi. Kuko iyi minota itanu yarangiye APR BBC itsinze amanota 15-7 ya Patriots BBC. Umukino warangiye APR BBC itsinze Patriots BBC amanota 101-93.
Amakipe yombi yahise anganya intsinzi imwe ku yindi. Stephaun Branch wa Patriots BBC niwe watsinze amanota menshi 29 akora na rebound icyenda.
Axel Mpoyo was APR BBC yatsinze amanota 27 akora na rebound zirindwi (7) na Ass 2
Umukino wa gatatu uteganyijwe tariki 15 Nzeri 2024 muri BK Arena ku isaha ya Saa kumi n’ebyiri (18H00).
