Tariki ya 1 Nzeri 2024 nibwo hakinwaga imikino y’umunsi wa kabiri wa Playoffs mu mikino itanu bagomba gukina,Aho batanguranwa imikino itatu, itanze indi gukina imikino itatu igahita igera ku mukino wa nyuma.
Umukino wa mbere wahuje KEPLER BBC yari yakiriye Patriots BBC. Umukino wa mbere warangiye Patriots BBC itsinze Kepler BBC amanota 83-71.
Umukino watangiye saa kumi n’imwe (17H00) muri Petit Stade i Remera
Uyu mukino mbere y’uko uba, Patriots BBC niyo yahabwaga amahirwe yo gutsinda uyu mukino.
Patriots BBC yatanze Kepler BBC kwinjira mu mukino maze agace ka mbere karangira Patriots BBC itsinze Kepler BBC amanota 31-14.
Mu gace ka Kabiri nabwo Patriots BBC yakomeje kugenda imbere nako karangira itsinze Kepler BBC amanota 27-14.
Bagiye kuruhuka Patriots BBC iyoboye n’amanota 58-24.
Bavuye kuruhuka nabwo Patriots BBC yakomeje kugenda imbere cyane nk’uko byagenze mu duce tubiri twa mbere. Agace ka gatatu karangiye Patriots BBC iyoboye n’amanota 29-19.
Mu gace ka Kane ari nako ka nyuma, Kepler BBC yagarukanye imbaraga n’ubwo byari bigoranye ko yakuramo amanota Patriots BBC yayirushaga.
Agace ka Kane karangiye Kepler BBC igatsinze amanota 21-20.
Umukino warangiye Patriots BBC itsinze amanota 107-68.
Perry William wa Patriots BBC niwe watsinze amanota menshi kuko yatsinze 22.
Patriots BBC ikaba imaze gutsinda imikino ibiri mu mikino itanu bagomba gukina,aho isabwa gutsinda imikino itatu mu mikino itanu.
Mu gihe yatsinda umukino wa gatatu bizaba birangiye izahita ijya ku mukino wa nyuma ntabwo bazategereza gukina imikino itanu.
Nyuma y’umukino wa Patriots BBC na Kepler BBC hahise hakurikiyeho undi mukino utari woroshye hagati ya APR BBC na REG BBC.
Ni umukino warutegerejwe n’abakunzi benshi ba basketball. Bitewe n’uko umukino wa mbere wari warangiye harimo ikinyuranyo cy’inota rimwe gusa, nyuma y’uko bari banganyije amanota 83-83, bakongeraho iminota itanu ya kamarampaka maze APR BBC igatsinda REG BBC amanota 92-91.
Ni umukino watangiye amakipe yombi atsindana k’uburyo byari bigoranye ku menya ikipe itsinda indi.
Agace ka Mbere karangiye REG BBC iyoboye umukino n’amanota 11- 10 ya APR BBC.
Mu gace ka kabiri, REG BBC yakomeje kugenda irusha APR BBC ,maze karangira igatsinze amanota 20-17
Bagiye kuruhuka REG BBC iyoboye umukino n’amanota 31 kuri 27.
Bavuye ku ruhuka,nabwo REG BBC yakomeje kugenda imbere iyoboye umukino, maze agace ka gatatu, karangira igatsinze amanota 15-14.
Mu gace ka kane ari nako ka nyuma, niho ibintu byaje guhinduka, maze APR BBC iva inyuma,ikuramo amanota REG BBC yayirushaga ndetse karangira igatsinze amanota 23-15.
Umukino warangiye APR BBC itsinze REG BBC amanota 65-60.
APR BBC iba itsinze umukino wayo wa Kabiri, mu gihe yatsinda umukino wa gatatu yahita ijya ku mukino wa nyuma, bigaragara ko amahirwe menshi umukino wa nyuma uzahuza Patriots BBC na APR BBC.
Umukinnyi watsinze amanota menshi ni Alvalezes Jackson wa REG BBC watsinze amanota 21.
Umukino wa gatatu ku makipe yose uteganyijwe tariki 4 Nzeri 2024 muri BK Arena.
Mu gihe Patriots BBC na APR BBC zatsinda zahita zibona itike yo gukina umukino wa nyuma. Naho mu gihe Kepler BBC na REG BBC zatsinda bakina umukino wa Kane.
Twabibutsa ko iyi mikino ya 1/2 ndetse n’umukino wa nyuma biterwa inkunga na BetPawa aho ikipe itsinze umukino buri mukinnyi ahabwa ibihumbi mirongo itandatu n’abitanu (65K) kuri numero ye telephone bigahabwa abakinnyi cumi n’ababiri, ndetse n’umutoza n’abamwungirije babiri
Imikino ya gatatu, iteganyijwe tariki 4 Nzeri 2024 BK Arena. Muri iyi mikino ya ½ amakipe atanguranwa intsinzi eshatu kugira ngo agera ku mukino wa nyuma.
