By Ndabateze Jean Bosco
Mu kwizihiza umunsi mpuzamahanga w’Imiryango, abakozi ba MIGEPROF bari mu turere twa Nyanza, Gakenke, Gisagara, Musanze ndetse n’Uturere twose tw’Umujyi wa Kigali mu Mugoroba w’Imiryango. Hatangwa ikiganiro ku kwimakaza ibiganiro mu Muryango.
Imbaga y’abaturage yitabiriye umunsi w’umuryango
Umunyamabanga uhoraho Mireille Batamuliza yifatanyije n’abaturage b’Akarere ka Nyarugenge Umurenge wa Gitega mu mugoroba w’Imiryango. Atanga ikiganiro yibukije akamaro ko kw’imakaza ibiganiro mu muryango abibutsa ko ari imwe mu nzira ifasha umuryango kugera ku iterambere bifuza.
Umunyamabanga uhoraho Mireille Batamuliza
Umunyamabanga uhoraho yasabye abitabiriye Umugoroba w’Imiryango (#UWI) muri uyu murenge guha uburere buboneye abana babo no kubatoza umuco binyuze mu kabashakira akanya ko kuganira nabo. Avuga ko kuganira n’umwana bihagije bifasha umubyeyi gukurikirana uburere n’imikurire ye.
