Advertise your products

Zambia : Minisitiri w’itangazamakuru yanduye COVID-19

Yanditswe na NDAYISABA Jean de Dieu

Minisitiri w’itangazamakuru akaba n’umuvugizi wa leta ya Zambia Dora Siliya yatangaje ko yanduye virusi ya corona ndetse ahita yishyira mu kato n’ubwo nta bimenyetso byo kuremba afite.

Madamu dora akoresheje videwo kuri twitter yavuze ko yamenyesheje minisiteri y’ubuzima muri iki gihugu ndetse anagira inama abaturage ba Zambia gukomeza kwirinda.


Yagize, ati: “Namenyesheje minisiteri y’ubuzima ndetse nanayihaye amazina y’abantu twahuye nibura mu minsi 10 ishize, dukomeze kwirinda kwegerana , twambare udupfukamunwa, dukarabe intoki kenshi.”


Ishami ry’umuryango w’abibumbye ryita ku buzima (WHO) ibiro bya Afurika ryashimiye minisitiri Dora ku kuba yamenyekanishije uko ahagaze ndetse rinamwifuriza gukira vuba.


Mu cyumweru gishize visi perezida wa Sudani y’Epfo Riek Machar yagaragawe ho iyi virusi naho muri Nigeria abaguverineri 3 mu bari barwaye covid-19 bamaze koroherwa uretse aba Oyo, Kaduna na Bauchi.


Ubwiyongere bw’abarwayi ba covid -19 muri Zambia bwakomeje guterwa n’abinjira muri iki gihugu banyuze ku mupaka wa nakonde ku ruhande rwa Tanzania gusa nubwo perezida Edgar Lungu yari yafashe icyemezo cyo kuwufunga ubu wongeye gukora bisanzwe.


Zambia imaze kugira abanduye covid-19 bangana na 920 muri bo 7 bitabye imana bazize iyi ndwara naho abakize ni 336.

Pressbox Author

Pressbox Author

Leave a Replay

1098 Shares