Advertise your products

Kenya: Umusenateri yaciwe amande nyuma yo gufatirwa mu kabari

Inkuru ya Kwizera Samuel

Kuri uyu wa kabiri tariki 21 Nyakanga ni bwo Urukiko rwo muri Kenya rwaciye senateri Jonson Sekaja amadolari 150, arenga gato 143, 000 by’amanyarwanda cyangwa agafungwa amezi 3, nyuma yo gufatirwa mu kabari yarenze ku mabwiriza yo kwirinda COVID-19.

Senateri Sekaja usanzwe ahagarariye akarere k’umurwa mukuru Nairobi, yafatiwe mu kabari kuwa gatandatu mu mukwabu wa polisi wo kugenzura ko nta muntu uri hanze nyuma ya saa tatu z’ijoro.

Ubusanzwe amabwiriza muri Kenya avuga ko buri muntu wese agomba kuba ari mu rugo hagati ya saa tatu z’ijoro na saa kumi za mu gitondo nk’imwe mu ngamba zo guhangana n’ikwirakwira rya Coronavirus.

Nubwo senateri Sekaja yari yasabye Abanyakenya imbabazi, yanavuze ko yiteguye kwirengera ibikorwa bye.

Yari yafungiwe muri kasho ya polisi byo mu mujyi wa Nairobi, mbere y’uko afungurwa amaze gutanga ingwate. Akigera muri kasho yagaragaye aterana gambo n’abapolisi.

Hashize iminsi abaturage ba Kenya binubira ko amwe mu mabwiriza yo kwirinda Coronavirus atubahirizwa kimwe hagati y’abaturage basanzwe n’abayobozi. Bavuga ko abanyapolotiki bayarengaho ku mugaragaro, bakanashinja polisi ya Kenya gukubita no gukomeretsa abaturage mu gihe cy’iyubahirizwa rya yo.

Abamaze kwandura Coronavirus muri Kenya bageze ku 13, 771 naho 238 imaze kubambura ubuzima.

Pressbox Author

Pressbox Author

Leave a Replay

1664 Shares