Advertise your products

COVID-19: Muri Brazil minisitiri w’ubuzima yeguye ataramara n’ukwezi

yanditswe na NDAYISABA Jean de Dieu

Dr. Nelson Teich wari minisitiri w’ubuzima muri Brazil kuva ku ya 17 Mata uyu mwaka yeguye ku mirimo ye nyuma yo kudahuza na perezida w’iki gihugu ku ngamaba zo guhashya covid-19 zirimo n’ikoreshwa rya Kororokine.

Dr Nelson yaramukijwe minisiteri y’ubuzima na perezida Jair Bolsonaro nyuma yo kwirukana Luiz Henrique Mandetta kuri uyu mwanya amuziza ko nawe batunvikanaga kuri zimwe mu ngamba zo guhashya corona.


Luiz Henrique Mandetta yashyigikiye abaguverineri bashyize ho ingamba zikarishye nko kuguma mu ngo ku baturage ndetse no guhagarika ubucurzi bumwe na bumwe ibi akaba atarabyunvikanye ho na perezida Bolsonaro we ufite muri gahunda ze ko covid-19 itagomba guhungabanya ubukungu bw’iki gihugu.


Mu byateye Dr Nelson kwegura ataramara n’ukwezi ku kazi ngo hari mo kuba perezida Bolsonaro atarahaye agaciro ukuguma mu rugo ndetse no kugabanya urujya n’uruza mu nsisiro ndetse ngo uyu yatunguye Dr Nelson ubwo yategekaga ko inzu zogosherwamo zifungura hakiyongera ho ko yahaye umugisha ikoreshwa rya kororokine ku baturage mu kurwanya covid-19.


Imibare itangwa n’inzego z’ubuzima muri Brazil ivuga ko abagera ku bihumbi 15 bamaze guhitanwa na covid-19 naho abagaragawe ho ubwandu muri rusange ni 97,402.

Pressbox Author

Pressbox Author

Leave a Replay

1600 shares